28 ديسمبر، 2007

الطريق الصح؟؟!!

خطر ببالى حوار مع واحدة صاحبتى من سنتين:
هى : كان رايها انها مدامت اتخرجت يبقى هتشغل نفسها بأنها تحفظ قرآن للأطفال فى المسجد وهتدخل معهد علوم شرعية وهى هتركز انها تختم القرآن وتنمى ثقافتها الدينية...........
انا: كان اختيارى انى اشتغل .. واركز انى ابقى حاجة فى مجالى ... بجانب ده اركز انى اختم

بعد سنتين:
هى: ختمت وفعلا خدت خطوات كتيرة .. ماشاء الله
انا: لسه بانمى مهاراتى الشخصية فى شغلى .. وبدات من فترة قصيرة احس انى ممكن اكون بدات فى الطريق الصح فى مجالى .. حسيت انى عندى طاقة فى المجال بتاعى ممكن استغلها فاشتركت فى عمل تطوعى .. بس وبدأت أخطط انى ارجع للقرآن تانى واحفظ كبداية انى ارجع تانى واهتم بالجانب الروحانى

بس فى حاجة فعلا محيرانى .. هو ايه بالظبط الطريق الصح فيهم؟؟ .. هل ان الواحد يركز فى شغله ولا انه يتجه لانه ينمى نفسه على المستوى الدينى ويشتغل بالدعوة بالذات ان مجالنا محتاج مجهود كبير ووقت طويل علشان الواحد يوصل او يحقق حاجة فعلا ...

بس بغض النظر عن المجهود او الوقت ... الواحد فعلا محتار ايه هو الطريق الصح

ولا الطريق دا بيختلف حسب شخصية كل واحد فينا ... فى ناس ممكن تكون شاطرة فى المجال الدعوى .. فى ناس ممكن لو اشتغلت تحقق حاجة ؟؟؟؟؟؟؟

اعتقد ان هذا ما ستكشف عنه الايام القادمة غالبا

هناك 13 تعليقًا:

mohamed يقول...

هو مفيش طريق صح وطريق غلط .. ومفيش طريق مثالي يناسب اي حد

الطريق الصح بالنسبة ليكي هو اللي هترسمية لنفسك ويكون مناسب ليكي فعلاً..

وأقولك حاجة انا مش مقتنع بحاكية تفرغ للدعوة دي بس ان الناس دي بتشتغل نفسها ..
طيب انت فين كا انسان فين حياتك وفين نجاحك ..
وكتير - بقول كتير مش كل - من الناس اللي بتقول نتفرغ للدعوة ووووو بيكنوا من الاساس مش لاقين نفسهم في اي حاجة فبيختاروا اسهل حاجة او بيكنوا مش عايزن يتعبوا نفسهم فيانهم يدورا علي نفسهم

الاهم يكون الانسان لاقي نفسه في طريقة ومتميز فيه ..

وربنا يوفقك ويوفقنا جميعاً يامروة

هبههههووب يقول...

شوفى يا مروش يا حبيبتى
انت اولا وحشانى اوى
ثانيا يا حبى مفيش حاجه اسمها انك تدى حياتك كلها لشىء واحد وتهتمى بشغلك وتنسى علاقاتك الاجتماعيه وتنسى علاقتك بربك و اهتمامك بذاتك وجمالك وعلاقتك بالى حواليكى قرايبك واصحابك
واهتمامك بصحتك
ممكن اوى انسان يقول انا عايز اكون صحتى كويسه ويخطط انه ميعملش حاجه ف حياته غير الرياضه والايروبكس وبس وينشى كل الجوانب الاخرى
لازم يكون ليكى هدف ف كل مجال وليكن دينيا انك تحققى شىء معين واجتماعيا وصحيا وعلميا وهكذا
واكيد فى حاجه بتطغى على كى كل الجوانب التانيه بس مش لدرجه انها تلغيهم
يعنى لو لو شغلك واخد وقت كتير انا معاكى بس مش لدرجه انك متحققيش ورد يومى او انك تتكلمى مع اصحابك كأجتماعيات او ان دا يشغلك عن اداء فروض ربنا
انا شايفه ان التوازن مفيش احسن منه واحنا هنسأل عن وقتنا ومالنا وشبابنا و لازم نخطط له من دلوقتى
اما حكايه ان فى حد يشتغل ف المجال الدعوة اكيد كل انسان له امكانيات ومواهب ف مجال معين يفوق باقى المجالات والعاقل الى يكتشف هو بيحب ايه ويقدر يدى ف ايه ويتقن شغله فيه ومن هنا هيحس انه فعلا حقق ذاته واضاف للغير
ان لم تذد ف الدنيا فإنك ذائد عليها

مصـ( الخير )ـعب يقول...

عندي كلام كتير يتقال في حاجة زي كده..
بس انتوا الاتنين على الطريق الصح..

عمر محمود يقول...

سنة حلوة يا مسلمين

هبههههووب يقول...

نشرت بوست تاج وانتى من الدعويين للرد عليه انت واصحابك
وحشانى اوى
طمنينى عليكى

حنة يقول...

الصح هو ان يسير الانسان في الطريق الذي يوصله لتصوره عن نفسه .. مافيش اتنين من البشر بيمشوا في طريق واحد حتى الازواج والاخوات .. كل واحد زي نقطة المياة اللي نازلة مع المطر تحفر مسارا خاصا
تحياتي يا مرووش

رؤية يقول...

يمكن القصه مش بس في تحديد الهدف
لكن
السعي الجاد لتحقيقة
وفقك الله للصواب

,.-~*'¨¯¨'*•~mr ,.-~*'¨¯¨'*•~monshed يقول...

انا شايف مفيش في اتنين في العالم زي بعض لازماي فروق ولا بسيطة وانتوا الاتنين صح مش غلط

Dito يقول...

الله يوفقك
هذه مدونة جميله
و سأواكب على قرائتها بإذن الله. تقبل تعليقاتي و تحياتي :)

كنت أرغب عمل تبادل نصي مع هذه المدونة الجميله مع منتداي
http://7ama2i.com/forums/
منتظر ردك على بريدي
dito0o@yahoo.com

محمد إسماعيل سلامه يقول...

الفصل بين طريق الله وطريق الإنسان ومحاولة المقارنة بينهم أيهم اولى خطأ والولي أنهما متلازمان فاعمل عباده والعباده تقويك للعمل وكلاهما لنفسك .
لا تنظري للدعوة على أنها عبء جديد بل خذيها متنفسا في طريقك وانتهزي الفرصة كلما حانت لك في هذا المجال لكن لا تهتمي بشيء على حساب آخر فكلا الطريقين .. وجهان لحياة واحده مستقيمه .
تحياتي

قلم جاف يقول...

يمكن للشخص أن يفيد دينه من باب الدنيا أكثر مما يفيده من باب الدين..

لكن من يتعظ؟

تذكري طوفان الشباب الذي ظهر في الثمانينيات متنكراً لكل علم درسه في الجامعة وأنفق عليه أهله من لحمهم الحي ليعملوا في نهاية الأمر بائعي سواك وشرائط دينية..

ميدان التحرير اليوم يقول...

ميدان التحرير الان
اخبار مصر
ثورة 25 يناير

Uouo Uo يقول...


thx

كشف تسربات المياة
غسيل خزانات
شركة نظافة عامة