٢٣ مايو ٢٠٠٧

رحمك الله كما ربيتنى

أبى الحبيب

هل مرت 7 سنوات على بعدنا أبى الحبيب، أصدقك القول أنى لم أشعر بهن مطلقا لا لأنى لم أشعر حتى الان بوفاتك ومازال بداخلى اقتناع غير عادى أنك مسافر وستعود بعد فترة، ويمكن لأنى لا أحرم نفسي من رؤيتك فحينما يشتد شوقى اليك أدعو الله أن أراك فى أحلامى وكثيرا ما يستحاب الدعاء.

أبى الحبيب لم يكن دعائى أنا وعبير فجر الحادى والعشرين من شهر مايو أن يرحمك الله وأن يصبرنا على ما يختاره لك قسوة قلب منا ولكن لشدة ما وصلت اليه حالتك الصحية من سوء، كغيوبة دائما مختلطة بالقليل من الالام.

لناخذ بعدها قسط بسيط من الراحة ونستيقظ على صوت هادئ لامى ... أبوكم مات ... الثامنة والنصف صباحا.
نهب الى تجهيز كل شيئ حتى تلحق بصلاة الجمعة فى البلد، وتتوزع الادوار محمد وعمو حسين (جارنا)يروحوا يجيبوا الكفن، عبير تتصل بالعائلة لاخبارهم، انا ومنار ومنال نقوم بتجهيزك أنت...

رغم قضاء 15 عاما من عمرى مع حضرتك، الا أن صورتك التى ظلت متركزة فى ذهنى عنك حتى الان والتى احلم بها وجهك الجميل يوم وفاتك.......

أبى الحبيب كيف كان شعورك وأنت فى انتظار حفيدك الثامن اليومين القادمين .. وكل الأحداث التى مررنا بها على مدى السبع سنوات الماضية .. كنت ستسر بأغلبها على ما أعتقد

ديسمبر 1998 .. يوم ميلادك كنا نفكر ماذا ستفعل بعد حصولك على المعاش بعد عامين؟
ولكن يشاء القدر أن تتغير كل الترتيبات.

أبى الحبيب لم أنس كلماتك لى التى طالما كنت توصينى بها "الحمد لله على كل شئ"، ولا وصيتك لى بأن أكون مرنة فى تعاملاتى، ولا برك لامك والذى لم أرى مثله وأشهد الله على ذلك، ولا اخلاصك فى علاقاتك الاجتماعية التى كنت بارعا فى صنعها واستمرارها، ولا اصطحابك لى للمسجد لاحفظ قران...

وأيضا أنس الانهيار الذى حدث لاسرتنا بعد ما توفاك الله والذى ظل ما يقرب من عام، ولم نخرج منه إلا برحمة من الله.


جزاك الله عنا خيرا فى كل ما ربيتنا عليه وتجاوز عن سيئاتك وجعلنا فى ميزان حسناتك

ابنتك
مروة

هناك ١٢ تعليقًا:

غير معرف يقول...

الله يرحمه
أكيد يا مروة أنتم فى ميزان حسناته، بجد أنا محظوظة انى عرفتكم خصوصا انتى ، لانك من اجمل الناس اللى عرفتهم فى حياتى ، وزى ما والدك كان بيصطحبك للمسجد لحفظ القرآن مش حنسى برده أنك أول واحدة اصطحبتينى لحفظ القرآن ، جزاءك الله كل خير، ربنا يكرمك يا رب

على فكرة أنت وحشتينى أوى ونفسى أشوفك

غير معرف يقول...

يقول صلى الله عليه وسلم : " إذا مات ابن آدم انقطع عمله إلا من ثلاث : صدقة جارية أو علم ينتفع به أو ولد صالح يدعو له".

Amr يقول...

أكرمك الله يا مروة، معنى الوفاء جميل أوي حتى لو لأحب الناس إلينا... في الجنة بإذن الله

مُصْعَب إِبْرَاهِيم يقول...

رحمه الله..

وربنا يكرمك ويجعلك خير ولد صالح يدعو له..

وحاولي قد ما تقدري تكوني زيه

لأن هم دول أغلى الناس بجد مهما لفينا الدنيا ورحنا وجينا

رحمه الله
ورحم كل آبائنا كما ربونا صغارا

mohamed يقول...

رحمة الله ..

إن شاء الليه يكون الأان في دار خير من دراه ..المعني عالي اوي

غير معرف يقول...

ربنا يرجمه ويرجم كل ا لمسلمين

ويفضل دايما ساحة جميلة فى قلبك واحلامك


ولغاية يوم لقاء هيضم الجميع، خليكى عند حسن ظنه

وتعيشى وتفتكرى ياماروش . على فكرة بحبك اوى

marwa salah يقول...

بحبك با مصر

ربنا يكرمك يا رب، وانا والله نفسي اشوفك جدا جدا، يوم حفلة مشروع التخرج ان شاء الله استنينى اجى وابارك لك.

عمرو

اللهم آمين، وربنا يكرمك يا عمرو.

مصعب الخير

فعلا يا مصعب هما دول أغلى الناس، ربنا ميخليش حد يعيش لحظة حزن على اى من والديه.

ــــــــــــــــــــــــــــ

"أبى كم احن الى جمعنا وانت كبدر غدا بيننا"

marwa salah يقول...

ديمة

اللهم آميين، وربنا ميخليكيش تعيش اى لحظة حزن على حد بتحبيه.

وأحبك الذى أحببتنى فيه، وربنا يعلم مدى حبى ليك .

همسة قلم يقول...

ياه يامروة
بجد لولا اني في المكتب كنت كيت بعد ما عيني دمعت من كلامك
افتكرت والدي الله يرحمه اللى فات على وفاته 3 سنين
افتكرت حاجات كتيرة اوي بيني وبينه
افتكرت يوم وفاته اللى كان اصعب موقف عدى عليه
افتكرت وافتكرت

يااااه

ربنا يرحمهم جميعا ويجمعنا بيهم في مستقر رحمته

اسماء انور شحاتة

محمد السيد..مش حاسكت يقول...

طيب وإيه لازمة الدموع دلوقتي يعني ؟؟

هو لازم لما نفتكر حبايبنا تنزل دموعنا ...؟؟

ماتيجي نفتكر حاجتهم الحلوة .. مواقفهم ... حنيتهم ... طبطتهم علينا بإيد حنينة خايفة حنونة ....

تعالي نفتكر بصتهم لينا لما بنغلط ... واللي بنفتكرها كل ما نعمل حاجة غلط دلوقتي ...

تعالي نفتكر حلمهم بينا لما نكبر ... ودعائهم دايما لينا ...

تعالي نفتكر ضحكتهم الصافية علي أحلامنا العيلة ... ولا تشجعيهم لينا بعد كده ...

تعلي نعيش ....زي ماكانوا عا يزينا وأحلي كمان ... ومنزعلهمش أبدا علينا ولا مننا

اروي الطويل يقول...

يارب يارب يرحمه
ويعزك يا مروة يارب

مشروع انسان يقول...

اللهم ارحمه رحمة واسعة واغفر له مغفرة تمحو بها ذنوبه كلها